A banca ética en Cataluña espera cerrar o ano cun récord de usuarios

O sector da banca ética espera pechar o exercicio de 2011 en Cataluña cunha marca de usuarios e investimentos como resposta social á reestruturación bancaria e aos valores difundidos polo movemento do 15-M.

As cooperativas catalás de crédito Oikocredit e Coop57 prevén aumentar os seus socios e cifras de negocio, pero especialmente as entidades que ofrecen depósitos de aforro aos clientes, como son Fiare e Triodos Bank, con previsións de crecer entre un 25 e un 50 % en 2011.

“A crise financeira que estamos a vivir provocou que moita xente vexa que os bancos e caixas tradicionais centran parte dos seus investimentos en actividades de elevado risco e buscando o máximo beneficio sen pensar nas consecuencias para o usuario”, apunta como causa deste auxe o economista Xavi Teis, da entidade Financiación Ética y Solidaria (FETS).

Esta plataforma, que reúne entidades de banca ética, notou un repunte do interese sobre este modelo de financiamento por mor dos movementos cidadáns do 15-M, que se materializou tamén en máis charlas e debates sobre o asunto.

Fonte: noticias.lainformacion.com