Semana con novidades!

A continuación presentamos varias actividades moi interesantes e variadas que foron desenvolvendo durante esta semana algúns dos colectivos que conforman Fiare Galiza:

Un cemiterio de vítimas diante do concello esixe máis dereitos sociais

Convocadas pola parroquia do Cristo da Victoria de Coia, a ODS-Coia (Oficina de Dereitos Sociais -Coia) e as xentes do G.A.S. (Grupo de Axitación Social) máis dun cento de persoas concentrámonos o 19 de decembro de 2012 ás 12 horas diante do Concello de Vigo para pedir respostas polas “vítimas do sistema, as vítimas das administracións, as vítimas da inxustiza”.

Na entrada da casa de todas as viguesas apareceu un cemiterio cheo das vítimas que sofren ante a falta de recursos, ante o medo aos cortes de luz ou auga por non poderes asumir o pagamento dos recibos, ante os atrasos das axudas sociais, ante os desafiuzamentos…

Deste xeito, a praza do Rei encheuse de siluetas que nos lembraban estas mortes. Pero tamén lembraban que os poderes, hoxe apuntabamos ao concello, esquécense destas vítimas negándolle a unha maioría crecente os dereitos sociais necesarios para vivir con dignidade.

Na escenificación escoitamos unha marcha fúnebre que deu paso á lectura do manifesto. Tras volver a escoitar a música de Mozart as alí presentes collemos -para rematar- unha silueta e a tiramos ao lixo. É dicir, fixemos o mesmoque os poderes fan cos nosos dereitos, demostrando o pouco que lle importan as nosas vidas. E isto mentres os cartos que nos negan aparecen para pagar grandes infraestruturas, avións a Londres, humanizacións de rúas… Por iso preguntámonos por que deshumanizan ás persoas?

Rematamos coas mesmas palabras que limos no acto: “Por todos nós, polo noso presente e o noso futuro, máis recursos económicos, máis recursos sociais, máis dereitos para as persoas en situación de precariedade! Por un reparto xusto da nosa riqueza!”.

 

cartel_campaa_nadal_2012_global2PRESENTACIÓN – MESA REDONDA DA PUBLICACIÓN: “Miradas globais para outra economía” en Compostela

Este libro presenta o éxito de 15 experiencias de economía solidaria en todo o mundo: 5 do estado español, 5 de África e 5 de América Latina.

Mostra iniciativas e experiencias de éxito que demostran que non só é posible unha economía diferente guiada por valores como a xustiza, a solidariedade, a participación, a cooperación, a comunidade e a sustentabilidade, senón outro xeito de consumo que se enfronta o modelo e a lóxica capitalita.

2012-12-18 20.46.36Hai presentacións do Miradas Globais en varias vilas galegas: Compostela, Ribadeo, Pontevedra.  A de Santiago de Compostela tivo lugar o 18 de decembro de 2012 ás 20 horas na librería Aenea e contamos con algúns/as protagonistas do libro: Fiare, Som Energia e unha experiencia de Economía Solidaria galega,  Amarante Setem, así como cun exemplo de integración laboral de persoas con discapacidade: COGAMI.  Acompañáronnos unhas trinta persoas, sendo unha experiencia moi enriquecedora.

XORNADAS DE FORMACIÓN en Economía Solidaria e Consumo responsable en Compostela e Ribadeo acollen xornadas de formación abertas a todo ó público.

Outro consumo é posible

AlexandreBoveda19dec-20hO mércores 19 de decembro, ADEGA organizou un acto sobre o consumo baixo o título “Outro consumo é posible”, no que se abordou outra forma de consumir no noso día a día na que se tén en conta as consecuencias deste consumo tanto a nivel social, como medioambiental.

Empezamos cunha introdución sobre as repercusións do noso consumo no día a día, para dar paso a proxección do documental “A historia das Cousas”, que fai un percorrido polo ciclo de vida dos produto: extracción, venta, uso e eliminación, co que podemos tomar conciencia dos efectos que ten o noso consumo. O documental tamén nos introduce termos como a obsolescencia programada e a obsolescencia estética.

Máis tarde unha persoa socia de Fiare Galiza explicou o proxecto e as alternativas que existen na banca ética. Dende a Cooperativa de consumo responsable Zocamiñoca falounos do seu proxecto e de como a través da nosa compra en alimentación podemos cambiar o coidado que lle estamos dando a nosa terra, a nosa relación cos labregos e a nosa saúde. Para rematar a coordinadora de Roupa Limpa Galicia falounos sobre o que hai detrás de cada prenda de roupa que mercamos,finalmente abrimos un debate co público.

Panxea 2012: Proxecto “Contribución á Soberanía Alimentaria en comunidades ao norte de Potosí (Bolivia)”

Presentamos o vídeo elaborado polo Instituto Politécnico “Tomás Katari” (IPTK) describindo o proxecto de cooperación internacional “Contribución á Soberanía Alimentaria en comunidades ao norte de Potosí (Bolivia)” desenvolvido polo IPTK, SODePAZ e PANXEA, coa financiación da Xunta de Galicia.

120 familias de 8 comunidades labregas da subcentralía de Peaña (Ocurí, Bolivia) son as beneficiarias deste proxecto desenvolvido entre xullo de 2011 e decembro de 2012, que tiña entre outros obxectivos capacitar ás persoas das comunidades en materias de liderado, participación cidadá e control social, mellorar e a tecnoloxía tradicional agrícola e pecuaria e diversificar a produción agraria, aplicar progresivamente tecnoloxías melloradas de conservación e manexo dos recursos naturais, adquirir coñecementos e prácticas nutricionais e hixiénicas, e organizar a mulleres campesiñas e capacitalas para emprendementos produtivos artesanais.

 

Advertisements

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s

%d bloggers like this: