Encontro Anual do sistema: O futuro de Banca Etica

encuentro-anual-del-sistema-el-futuro-de-banca-etica1 Decembro 2014

Por Manuel Adame, vicecoordinador do GIT Galiza Sur

250 persoas, das cales 5 representantes e dúas traballadoras pertenciamos á V Área (Fiare), reunímonos os días 28 e 29 de Novembro en Bologna no Encontro organizado polo que xa podemos empezar a denominar Grupo Banca Etica.

Tras a benvida a cargo de Ugo Biggeri, presidente de Banca Etica, houbo dúas intervencións, a primeira do propio Ugo Biggeri, presentando o documento do Plan Estratéxico, un manual editado que recolle os retos presentes e futuros sobre o Modelo de Negocio, de Gobernanza, a Participación e a Política do Grupo Banca Etica, entre outros temas. A continuación, Mariña Galati, presidenta do Comité de Ética (CdA), presentou os retos da deontoloxía en Banca Etica, 15 anos despois da súa fundación.

Pouco despois, tivemos a primicia de ver a proxección do novo vídeo promocional de Banca Etica, para dar paso enseguida ao traballo en grupos sobre as dúas temáticas previstas:

Ugo Biggeri encargouse de introducir o debate respecto da nova gobernanza de Banca Etica, partindo do documento preparatorio do CdA, ampliado tras unha primeira consulta aos GITs das cinco áreas e que recolle os factores que o motivaron: aumento da complexidade e peso da nosa base social; novas disposicións de vixilancia para a banca ditadas polo Banco de Italia; mellora e ampliación dos mecanismos participativos.

O obxectivo do debate en grupos foi recoller as achegas das persoas participantes para elaborar un novo documento que sirva para facilitar a discusión de toda a nosa rede de persoas socias e que permita levar á Asemblea do próximo ano as propostas acordadas para sometelas á aprobación da mesma.

Anna Fassano, vicepresidenta de Banca Etica, encargouse de introducir o debate sobre o rol de Banca Etica ante os novos escenarios socioeconómicos. Tratábase de discutir as reflexións elaboradas a partir do novo Manifesto de Banca Etica, dos resultados do laboratorio sobre nova economía, do plano industrial 2015 e do documento sobre as liñas estratéxicas.

Terminados os grupos de traballo procedeuse á presentación oficial de dous novos instrumentos de Banca Etica: a rede de Banca Etica dentro da plataforma de Crowfunding Produzioni dal Basso, a cargo de Angelo Rindone; e a Plataforma Socios/as en Rede para o desenvolvemento da mutualidade interna dentro da Rede de Banca Etica, coa presentación da súa nova web.

Ao día seguinte, comezou o plenario coa participación de Mario Crosta, director xeral de Banca Etica, que presentou o plan estratéxico industrial para o trienio 2015-2017, no que se recollen as liñas de acción no desenvolvemento comercial da cidadanía responsable, o desenvolvemento comercial das organizacións orientadas ao ben común, o desenvolvemento do capital social, o desenvolvemento comercial sobre o territorio español, a repartición do emprego por sectores de referencia.

O groso da mañá estivo dedicado ás intervencións dunha ducia de persoas representantes de todos os sectores do Grupo Banca Etica a partir dunha serie de palabras craves sobre o Novo Manifesto de Banca Etica, para axudarnos a entender que era, que é e que será.

Despois de recoller as conclusións, Ugo Biggeri deu por concluídos os actos do 15 aniversario de Banca Etica e puxo fin á xornada de traballo.

Un Encontro de Redes permite coñecer, reencontrarse, reunirse, charlar, debater, expor, dar a coñecer, intercambiar e relacionarse con todas as persoas que pertencen aos diveros estamentos que compoñen o Grupo Banca Etica. Foron dúas xornadas de traballo intenso nas que percibimos clara e meridianamente a proximidade, o interese e o agradecemento pola nosa participación por parte dos e das compañeiros e compañeiras italianas: houbo sorrisos, preguntas e respostas que non fan máis que confirmar a nosa plena integración.

Fomos testemuñas de como a participación das persoas socias e traballadoras articúlase e concrétase, como as distintas sensibilidades van facendo Banca Etica… A riqueza, que os 15 anos de experiencia italiana supoñen para nós e, algúns dos novos retos que se expoñen coa nosa chegada. Un sentimento de agradecemento xórdenos cando constatamos a cantidade de decisións e esforzos que supón consolidar unha banca internacional, facernos compañeiros/as de camiño italianos/as e españois/españolas.

Pola nosa banda, puxemos todo o noso empeño en transmitir toda a ilusión que estamos a vivir nestes momentos, e compartimos todos os pasos que estamos a dar desde a apertura da oficina de Bilbao, á vez que fomos portavoces das 5.000 persoas que están a esperar a sumar o seu capital social e humano ao Grupo Banca Etica.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s

%d bloggers like this: