Coñece os grupos territoriais de persoas socias de Fiare Banca Etica

Grupo-Carlos-encontroout15-GIT-galizaA partir de hoxe os Grupos Territoriais de persoas socias de Fiare Banca Etica (GIT) teñen novos espazos na web polo que no noso caso (GIT Galiza Sur e GIT Galiza Norte) deixaremos este blogue no que estades a ler este artigo e publicaremos no novo punto de encontro no que xa tedes novas: GIT Galiza.

O noso banco é propiedade de milleiros de persoas e organizacións, e grazas a elas somos independentes da política e dos grandes grupos económicos e financeiros.

Algunhas destas persoas achegan o seu tempo, habilidades, paixón e traballo, de xeito voluntario, para desenvolver o noso proxecto de finanzas éticas.

Estas persoas son elixidas por outros membros a nivel local e forman o GIT (Grupo de Iniciativa Territorial).

As actividades do GIT consisten en:

  • achegar as finanzas éticas ao territorio;
  • fortalecer as relacións coas organizacións e empresas que traballan por unha economía social e solidaria;
  • promover unha cultura de uso responsable do diñeiro;
  • colaborar no desenvolvemento cultural e participativo do proxecto xunto á estrutura profesional;
  • alimentar o debate interno do banco, para mellorar día a día.

Grazas aos GIT estamos presentes en case todos os territorios e é posible organizar centos de eventos e actividades anuais (835 no 2014!), como obradoiros de educación financeira, debates sobre economía, obras de teatro e moito máis.

Traballamos, mediante a formación e o debate, para integrar as súas actividades e información na páxina web de Fiare Banca Etica. Nestes espazos poderedes coñecer as persoas que integran os grupos territoriais, estar ao corrente dos seus próximos eventos e actividades e pórvos en contacto con eles para colaborar en novas ideas para a zona.

Coñece ás persoas que lle dan vida ao Grupo Territorial de Fiare Banca Etica da túa área: www.fiarebancaetica.coop/git

Fonte: www.fiarebancaetica.coop

FIARE BANCA ETICA apoia a campaña “IGUAIS” de OXFAM INTERMÓN

fiare-banca-etica-apoya-campana-iguales-de-oxfam-intermon26 de xaneiro de 2016

Oxfam Intermón lanzou a campaña IGUAIS que ten como obxectivo denunciar que a desigualdade extrema e crecente é a principal causa da pobreza no mundo e ademais, cerna as oportunidades de desenvolvemento de millóns de persoas.

A desigualdade entre as persoas ricas e as pobres é extrema e segue aumentando: en 2015, só 62 persoas tiñan a mesma riqueza que a metade máis pobre da poboación, 3.600 millóns de persoas. Unha das solucións que defendemos para combater a desigualdade é unha fiscalidade xusta e progresiva que contribúa a redistribuír os recursos e a conformar sociedades máis equitativas e cohesionadas.

Todos/as, cidadáns/cidadás e empresas temos que pagar en función da nosa capacidade económica real pero o certo é que a evasión e elusión fiscal costa moito diñeiro á cidadanía. En España, o 72% da fraude fiscal provén de grandes empresas e grandes fortunas e 59.000 millóns é o que o noso país deixa de ingresar ao ano a causa da fraude fiscal total. Ademais, 34 das 35 empresas do IBEX35 teñen filiais en paraísos fiscais e nun só ano estas empresas incrementaron o número de filiais en paraísos fiscais nun 44%, pasando de 561 en 2012 a 810 en 2013.

O investimento español cara a paraísos fiscais disparouse un 2.000% en 2014

Mentres, o investimento español cara a paraísos fiscais disparouse un 2.000% só en 2014. A nivel mundial os datos son igualmente significativos e alarmantes, a modo de exemplo podemos dicir que en África se calcula que cada ano saen 50.000 millóns de dólares como fluxos de capital ilícitos, dos que dúas terceiras partes son debidos ás prácticas de elusión fiscal das grandes empresas.

A cuestión é que este diñeiro non ingresado polos Estados supón unha perda considerable de ingresos que podería destinarse a políticas sociais. O uso de paraísos fiscais por parte das grandes compañías, resta recursos aos gobernos o que nega coberturas básicas de dereitos a persoas no noso país e no resto do mundo, acrecentando a desigualdade e a pobreza. Isto pódese deter.

Que podemos facer?

Desde Fiare Banca Etica e Oxfam Intermón cremos que é hora de cambiar as regras. Oxfam estivo pedindo aos diferentes partidos políticos que incorporen nos seus programas electorais unha lei contra a evasión e a elusión fiscal. Pasadas as eleccións, queremos pedir ao Goberno que salga elixido que aprobe unha lei contra a evasión fiscal. A nivel internacional, Oxfam tamén está a pedir aos líderes mundiais que poñan o empeño necesario en impulsar un sistema fiscal internacional máis xusto para todos os países.

A campaña pretende alcanzar un número significativo de firmas para esixir con forza ao Goberno que aprobe unha lei contra a evasión fiscal.

Asina a campaña!

Campaña Internacional IGUAIS: https://www.oxfam.org/es/campanas/iguales

Máis información sobre a Campaña IGUAIS:

Fonte: www.fiarebancaetica.coop

Grandes novas na Asemblea Extraordinaria de Banca Etica!

AsembleaFiare-1O ano 2015 rematou con interesantes encontros: no mes de outubro de 2015 celebramos o encontro intergit galego e a asemblea de Fiare Galiza, a finais do mes de novembro de 2015 puidemos participar na Asemblea Extraordinaria de Banca Popolare Etica (coñecida como Banca Etica en Italia) -a primeira vez que se fai de forma simultánea no Estado español e no italiano- e as xuntanzas do GIT Galiza Norte e do GIT Galiza Sur das que nun vindeiro artigo no novo blogue vos falaremos.

FiareBancaEtica-2016Coas grandes novas transmitidas na Asemblea Extraordinaria queremos comezar este ano 2016 (tes moita máis información a partir do parágrafo seguinte) que vén cargado de cambios.  O primeiro é que este blogue www.fiaregz.com vai quedar como un punto de consulta de documentos ou de artigos antigos xa que agora imos darlle vida ao novo blogue que podes coñecer facendo clic en www.fiarebancaetica.coop/git/gl/galizia.

asamblea-extraordinaria-de-banca-etica-aprobado-el-nuevo-gobierno-y-el-refuerzo-de-participacion-de

“As persoas socias de Banca Etica, reunidas en Padua (Italia) e en Barañáin (Pamplona, España) en asemblea extraordinaria o sábado 28 de novembro de 2015, aprobaron algunhas modificacións importantes dos estatutos do banco relativas aos seguintes temas:

  • elección dos membros do consello de Administración;
  • organización territorial das persoas socias para favorecer a participación na vida do banco;
  • posibilidade de facerse socio/a e votar a distancia;
  • introdución do concepto de «Portadores de Valor».

A deliberación resultou en 1219 votos a favor, 94 votos en contra e 76 abstencións. Púidose votar mediante un dispositivo electrónico, mais a verdadeira novidade foi a celebración simultánea da asemblea en Padua e Barañáin (Pamplona-España) con conexión de audio e vídeo e interpretación simultánea.

A necesidade de dotarse dun sistema electoral novo para o Consello de Administración xurdiu en parte da nova normativa (Título IV da Circ. 285 do Banco de Italia, sobre o novo goberno societario dos bancos) e en parte dos retos que quere afrontar Banca Etica: desde a ampliación da base social e a operativa en España ata as oportunidades que ofrecen as tecnoloxías dixitais e que poden garantir un maior acceso á participación.

A proposta de novo goberno —construída ao longo do tempo grazas a un percorrido de participación e comprobación coas persoas socias e cos diversos «Portadores de Valor» que fan funcionar o banco— procura conxugar o valor da participación coa esixencia de votar a un equipo de goberno para o Consello de Administración que posúa as competencias e os requisitos necesarios e que leve a cabo os obxectivos definidos.

De seguido detallamos as principais novidades:

• Participación activa das persoas socias da cooperativa: desde sempre en Banca Etica, as persoas socias activas organízanse por territorios en grupos (Git) e en Áreas a fin de favorecer o seu contacto co desenvolvemento do banco ao servizo dunha economía sostible. Por primeira vez, os estatutos sancionan oficialmente esta organización territorial das persoas socias.

• Introdución do concepto de «Portadores de Valor» do banco: en Banca Etica non contan só os e as accionistas (shareholders), e nin sequera as partes interesadas (stakeholders), senón que definimos a categoría de «Portadores de Valor»: as persoas socias organizadas nas áreas territoriais (Noroeste; Nordeste; Centro; Sur; España); as persoas socias de referencia (é dicir, as grandes organizacións do Sector Terciario italiano que fixeron nacer Banca Etica e que seguen a soster o seu desenvolvemento); e as persoas socias-traballadoras.

• Introdución do voto a distancia: un cambio importante requirido pola normativa e que nos estimula a dar igual oportunidade de participación na asemblea a todas as persoas socias.

• Posibilidade de facerse socio/a a distancia: cos estatutos novos será posible crear hipotéticos mecanismos en liña que permitan facerse socio/a do banco.

• Introdución do voto por lista: ao contrario que no pasado, as persoas socias xa non votarán a candidatos/as individuais ao Consello de Administración, senón que se lles pedirá que elixan o «equipo» que consideren máis idóneo para gobernar o banco.

• Votación para a elección de candidatos/as individuais (non pertencentes ás listas) incluídos nunha lista específica: os e as candidatas elixidas desta lista entrarán na composición final do Consello de Administración a fin de garantir unha dialéctica efectiva e o pluralismo que caracteriza a nosa base social.

• Posibilidade de formar listas participativas mediante unha solicitude pública de candidaturas e unha sondaxe entre as persoas socias.

Podes facer clic aquí para descargar os Estatutos novos, o Regulamento da Asemblea e a información sobre as vindeiras eleccións ao Consello de Administración.

Fonte: www.fiarebancaetica.coop

FESTA! Asemblea Extraordinaria de Persoas Socias, 28 de novembro de 2015

fiesta.acercandose-asamblea-y-encuentro-de-las-personas-socias

Artigo “Festa” de Peru Sasia, Conselleiro da Área Fiare, sobre a Asemblea de Banca Etica e encontro das persoas socias da Área Fiare do 27 ao 29 de novembro en PamplonaPara máis información sobre a Asemblea fai clic aquí ou tamén podes lela ao final do artigo.

É un recurso facilón, admítoo. Pero non puiden resistirme á tentación de relacionar Pamplona co famoso libro de Hemingway. El estivo en nove Sanfermines. Nós teremos o próximo 28 de Novembro a primeira asemblea de Banca Etica que se celebra formalmente en dúas sedes simultaneamente. Unha delas, Pamplona. E será, sobre todo, unha Festa.

Di un amigo que quen andamos tentando construír alternativas, bregando cada día contra un marco cultural desalentador e fronte a un formidable sistema de contravalores, non nos paramos o suficiente a gozar dos pequenos avances, as pequenas vitorias. E iso é un problema.

É ben certo que “a que está a caer” non axuda, e que puidésemos parecer insensatos/as se nos detemos demasiado a aledarnosregocijarnos con algún logro conseguido no difícil camiño de construír alternativas. Pero un pequeno respiro para admirar o conseguido, para agradecernos mutuamente o traballo, necesariamente colectivo, para recargarnos desa enerxía imprescindible, para tomar perspectiva… creo que iso si podemos (debemos) permitírnolo.

O 28 de novembro, o día da Festa, terá transcorrido un ano desde que conseguimos o “1550”, ese número máxico que non é máis que o de establecemento bancario outorgado polo Banco de España. As nosas contas correntes empezan por 1550 (temos contas correntes!). E pasarían dez anos! desde que empezamos a facer os nosos primeiros pasos financeiros como axentes. Estará moi próximo o final da primeira etapa do Consello de Administración de Banca Etica que, na Asemblea de 2013, certificou que formabamos parte dun proxecto de banca ética real, tanxible, que se presentaba con todas as súas galas en Florencia como unha realidade cooperativa internacional desexosa de proxectarse ao futuro para seguir transformado as finanzas. Recoñezámolo, todo isto merécese unha Festa.

Será un momento de encontro e celebración, pero tamén servirá para recoñecer que este primeiro ano de Fiare Banca Etica púxonos a proba. Expectativas, ansiedade, présas, dificultades, frustracións… cheas de traballo desenvolvido cunha xenerosidade da que non se atisban límites. Imos consolidando a nosa estrutura asociativa, esa que tanto nos gusta e que tanto custa facer funcionar. Somos esixentes, sobre todo connosco mesmos, e iso é moi bo. Tamén somos esixentes coa dimensión operativa do noso proxecto. Queremos que o noso banco funcione e que o faga cada vez mellor. Hai que dar resposta a unha base social ansiosa por traballar connosco. Hai que facer máis crédito. Necesitámolo. A sociedade necesítao. Isto sábeno especialmente quen, desde a estrutura profesional, coñece a súa responsabilidade e o que todos e todas nós, toda a sociedade, espera. Que a Festa sexa tamén para ela. Sen dúbida meréceno.

Esta primeira Asemblea ten tamén un contido formal dun gran valor simbólico. Presentarase para a súa aprobación o novo Regulamento Electoral que foi revisado, entre outros motivos, pola nova dimensión que adopta o proxecto tras a integración de Fiare e Banca Popolare Etica. Un novo Regulamento que mantén intacto o noso carácter cooperativo e que debe axudar a proxectarnos ao futuro e desenvolvernos sen perder os nosos acenos de identidade. Un Regulamento que busca consolidar estruturas que permitan manter esa imprescindible capacidade de adaptación que nos esixe o compromiso por seguir facendo finanzas para o ben común.

O próximo 28 de Novembro hai unha Festa en Pamplona. Esta vez non estará Hemingway. Pero estaremos centenares de persoas testudamente empeñadas en demostrar que a realidade pódese transformar. Para que non falte de nada, aproveitaremos tamén para desenvolver ao redor da Asemblea dinámicas que nos permitan entender, propor, programar, soñar… Porque esta historia non fixo máis que empezar. Fagamos unha Festa… e a seguir traballando. Non volo perdades. Vémonos en Pamplona.

——————————————————————

MATERIAIS E INFORMACIÓN ÚTIL PARA A ASEMBLEA

A Asemblea de Socios/as terá lugar o 28 de novembro de 2015, a primeira que se celebrará oficialmente en dúas sedes, Italia e o Estado español.

A Asemblea de persoas socias é o órgano soberano de Banca Popolare Etica (coñecida en Italia como Banca Etica) e está aberto a todas as persoas socia que leven inscritos polo menos noventa días.

Cada persoa socia ten dereito a un único voto, independentemente do número de accións que subscribise. En Banca Etica rexe o principio do voto individual “un socio/a, un voto”.

As competencias da Asemblea de persoas socias, que deliberará en convocatoria ordinaria (polo menos unha vez ao ano) ou extraordinaria, están definidas nos Estatutos:

  • Aprobar o balance e destinar os beneficios;

  • Nomear os/as Administradores/as e os/as Conselleiros/as e proceder á súa revogación;

  • Contratar, previa consulta ao Consello de Vixilancia, unha Sociedade Auditora á que confiará o control contable, así como proceder á súa revogación;

  • Determinar o montante da remuneración que corresponderá aos/ás Administradores/as e á Sociedade Auditora encargada do control contable;

  • Determinar o montante da remuneración que corresponderá aos/ás Conselleiros/as segundo o previsto no artigo 41;

  • Aprobar a política de remuneracións, así como os posibles plans de remuneración baseados en instrumentos financeiros para os/as Administradores/as -incluídos/as aqueles/as que ostenten cargos especiais-, os/as empregados/as ou os/as colaboradores/as non vinculados/as á sociedade de relacións laborais dependentes.

As modalidades nas que se pode desenvolver a Asemblea están definidas no Regulamento da Asemblea.

Todos os documentos relacionados coa Asemblea de Persoas Socias que terá lugar o 28 de novembro de 2015, serán publicados na páxina seguinte: http://www.fiarebancaetica.coop/gl/asemblea-de-persoas-socias-de-banca-popolare-etica-28-de-novembro-de-2015

Tes moita máis información a continuación:

PRE-REXISTRO NA ASEMBLEA: http://assemblea.xdatanet.com/assembleabancaetica

Convocatoria da Asemblea Ordinaria de persoas socias de Banca Popolare Etica que se celebrará en primeira convocatoria o día 27 de novembro de 2015 ás 9.30 horas na sede social de Via N. Tomaseo, 7, da cidade de Padua (Italia) e na Sucursal en España, na rúa Santa María 9, de Bilbao, e en segunda convocatoria o día 28 de novembro de 2015 ás 10.30 horas na cidade de Padua (Italia) no Centro de Congresos «A. Luciani» con sede en Via Forcellini, 170/a, e na localidade de Barañáin próxima a Pamplona, no Auditorio de Barañáin da rúa Comunidad de Navarra, 2. [Baixo aviso completo]

ATENCIÓN!*
Debido a un problema técnico,  a revista BancanotE “Especial Asemblea” que chegou ás vosas casas, non contén o número de persoa socia (CAG) .  Podes recuperar ese dato necesario para facer a preinscrición e completar os poderes aquí
.

ORDE DO DÍA

A Asemblea debaterá a seguinte orde do día:

  1. Comunicacións da Presidencia.

  2. Parte extraordinaria: Deliberación sobre a modificación do estatuto.

  3. Parte ordinaria: Modificación do Regulamento da Asemblea.

  4. Rogos e preguntas.

INSTRUCIÓNS PARA PARTICIPAR

MATERIAIS ÚTILES

Fonte: www.fiarebancaetica.coop

Eu son #bankingonvalues: 22 de outubro, mobilización mundial polas finanzas éticas

am-bankingonvalues-movilizacion-por-las-finanzas-eticas

Hoxe, xoves 22 de outubro de 2015, é o día mundial de mobilización polas Finanzas Éticas convocado por Global Alliance for Banking on Values (GABV). Esta alianza, constituída por unha rede de 27 entidades financeiras sostibles de todo o mundo da que Banca Popolare Etica (Banca Etica) forma parte, está inspirada no ben común e atópase formada por 30 mil persoas empregadas e 20 millóns de clientas e clientes.  Convocou esta xornada global para sensibilizar sobre os temas relacionados coas finanzas éticas.

GABV-Facebook-Cover-by-fiercefeathers-2015-SpanishDesde un hemisferio ao outro da Terra o 22 de outubro as persoas traballadoras, socias e clientas da banca ética faremos ouvir a súa voz nas redes sociais co hastag #bankingonvalues, co fin de dar a coñecer unha banca diferente, que se centra nas persoas e o medio ambiente, sen ánimo de lucro, e para dar testemuño do uso responsable do diñeiro.

Fiare Banca Etica, como membro da rede de GABV, convida a todas as persoas e organizacións que elixiron as finanzas éticas a que poñan o seu rostro, expliquen as súas experiencias e motivacións, para facer ouvir a súa voz en todo o planeta.

Descarga e comparte os materiais da campaña e prepárate para participar:

  1. Descarga a imaxe da campaña, a foto de portada para o teu perfil de Facebook, Twitter y Linkedin.
  2. Imprime o póster (en A3 ou A4), escribe enriba por que para ti son importantes as Finanzas Éticas e publica a foto en Twitter, Facebook ou Instagram usando o hashtag #bancaconvalores
  3. Comparte o vídeo realizado pola GABV para promover o evento:  https://youtu.be/Kg4wNwtACB8
  4. Comparte un destes chíos:

Fonte: www.fiarebancaetica.coop

Banca Etica en 2015: os números do primeiro semestre

banca-etica-en-2015-los-numeros-del-primer-semestre16 de outubro de 2015

Banca Etica soubo demostrar a súa singularidade no panorama bancario, inclusive no primeiro semestre de 2015, ao continuar usando os aforros que as persoas e as organizacións adican a apoiar os mellores proxectos no campo das empresas sociais, da protección do medio ambiente e da promoción da cultura.

Estes resultados positivos son o froito dun compromiso coral das persoas que traballan en Banca Popolare Etica (Banca Etica), das persoas socias, dos/as clientes/as e impúlsannos a facer cada vez máis para compaxinar eficiencia, solidez, innovación e solidariedade.

Presentamos a continuación os nosos números actualizados o 30 de xuño de 2015.

A captación de aforro aumentou nuns 5% respecto de fins do 2014, alcanzando 1.033.000.000 de euros mentres que na área Fiare alcanzou os 54.662.000 €.

No mesmo período, o sistema bancario italiano rexistrou en xeral un recorte dun 1,17% na captación directa.
A captación indirecta, é dicir, subscrición de fondos comúns de investimento éticas promovidos por Etica Sgr, aumentou nun 16% alcanzando os 425 millóns de euros.

Préstamos concedidos

Os préstamos concedidos por Banca Etica destinados a familias e empresas creceron un 4% no primeiro semestre de 2015, cun aumento maior nas rexións do Sur de Italia, onde se rexistrou un +7%. No mesmo período, o sistema bancario italiano alcanzou un crecemento global de tan só un 0,53%.

Na área Fiare os préstamos concedidos alcanzaron os 11.671.000 €.

Tasa de morosidade

Banca Etica logrou manter moi baixo o nivel de créditos non esixibles, é dicir, dos créditos non reembolsados, que ascenden a un 2,9%, respecto ao 10,12% do sistema bancario italiano.

Capital social

Tamén o capital social creceu un 5% no primeiro semestre do 2015 alcanzando 52,4 millóns de euros. Na área Fiare o capital social neste período era de 1.553.000 €.

Beneficios

Os beneficios de Banca Etica no semestre ascenderon a 974 miles de euros.

*Datos de ABI Informe mensual de xuño 2015.

Fonte: www.fiarebancaetica.coop

Encontro galego de persoas socias de Fiare Banca Etica

O vindeiro sábado, 3 de outubro de 2015, xuntarémonos en Santiago de Compostela no encontro de todas as persoas socias de Fiare Banca Etica da Galiza e na asemblea da asociación Fiare Galiza.  Terá lugar nas instalacións de CERSIA (Rúa do Alcalde Raimundo Lopéz Pol s/n – San Lázaro, Santiago de Compostela), a partires das 10:00 horas.

É unha xuntanza que consideramos especial, xa que teremos a oportunidade de coñecer a Carlos Askunze, o Referente da nosa Zona Norte, que nos comentará moitas novidades, así mesmo falaremos con Alberto, un dos traballadores da nosa oficina bancaria de Bilbao, para poñernos ao día de como está a funcionar a nosa operativa e resolver todas as nosas dúbidas e inquedanzas.

Coma sempre, priorizamos dispoñer dun tempo para coñecernos máis informalmente e para iso celebraremos un xantar compartido.  Ofreceremos algo para beber e picar e agradecemos o que cadaquén queira achegar para pór en común.

Queremos que todas as persoas teñamos posibilidade de asistir e parécenos que compartir coche é o mellor xeito, por iso, agradecémosche que nos comuniques se precisas compartir transporte no enderezo electrónico persoassociasgitsur@proyectofiare.com (se vives nas provincias de Ourense ou Pontevedra) ou no persoassociasgitnorte@proyectofiare.com (se o fas nas de Coruña ou Lugo) e organizaremos como facelo. Para calquera outra cuestión estamos ao teu dispor a través dos correos electrónicos e deste blogue.

Queremos lembrar tamén que a vindeira asemblea da Área Fiare é o 28 de novembro de 2015 en Pamplona, na que nos agardan obradoiros, novidades… e, sobre todo, participación na nosa cooperativa!

Sen máis, agardamos contar contigo nesta xornada e camiñar xuntos/as nos novos pasos desta nosa cooperativa!

Cartel-asembleagalega-FBE-set2015

 

Unha aperta!

%d bloggers like this: